Laburpena:

Errealitate Sozialaren Behatokiak aldian-aldian COVID-19aren krisiak enpleguan dituen ondorioei buruzko informazioa emateko hartutako konpromisoa betez, txosten hau aurkezten da 2020ko maiatzeko emaitzekin. Txosten hori egiteko, aurreko edizioetan bezala, iturri ofizialen ustiapen estatistikoa hartu da oinarritzat. Hortik abiatuta, langabeziaren azterketa egin da, desagregazio-maila handiarekin (ezaugarriak eta bilakaera), bai eta kontratazio-datuen (bilakaera eta tipologia), langabezia-estalduraren, Gizarte Segurantzako afiliazioaren eta enplegu-erregulazioko espedienteen azterketa ere. Aurreko txostenei dagokienez, datuen ustiapena, eskualde-ikuspegia eta erregistratutako enplegu-eskatzaileen eta langabeziaren bilakaeraren azterketa konparatiboa gehitu dira. Horren guztiaren helburua da oraindik aurreikusi ezin den osasun-krisi honen aurrean hartzen ari diren neurriek enpleguan dituzten ondorio nagusiak argitzea.