Laburpena:

Kale-eskea, batez ere, hirigunean gertatzen den fenomenoa da, landa-ingurunean nabarmen murrizten baita. Hori dela eta, ikerketa 5.000 biztanletik gorako Nafarroako herrietan egin da, batez ere hiriburuan eta eskualdean. Ikerketaren helburu nagusia da fenomeno horrek Nafarroan duen presentzia kuantifikatzea, eskean aritzen diren pertsonen profil soziodemografikoa ezagutzeko, haien kokapen nagusiak aurkitzeko, dinamika horretan pertsona horien errutina nagusiak zein diren jakiteko eta gizarte-errealitate hori inguratzen duten arazoak aztertzeko, betiere beste hiri eta herrialde batzuetan gertatutakoarekin alderatutako ikuspegi batetik. Azken batean, dinamika horiei buruz gehiago jakitea eta pertsona horiekin zer esku-hartze mota egin behar den baloratzeko oinarriak ezartzea da helburua.